Kavaliers span wat speel teen die Kampioene WP
(No Ratings Yet)
Loading...
Boland Cavaliers Rugby
KAVALIERS SKOP AF TEEN KAMPIOENE
“Ons is bewus van die feit dat ons ons veldtog afskop teen die huidige kampioene, maar ons het ‘n uistekende voorseisoen agter die rug en ek is tevrede met ons voorbereiding. Nou sal die Kavaliers eenvoudig die praatwerk op die speelveld moet doen.”
Só sê die afrigter van die Regent Boland Kavaliers, Abe Davids, oor eerskomende Saterdag se kragmeting teen die Westelike Provinsie te Victoria Sportgronde, Ceres.
Die Kavaliers het in 2012 hul Vodacombeker-seisoen teen dieslefde opponent op Nuweland afgeskop, met die Streeptruie wat toe gerieflik met 51-22 geseëvier het. WP het uiteindelik al die pad tot die eindstryd deurgedring, waar hulle vir Griekwas getroef het om die Vodacom-beker omhoog te lug.
Volgens Davids gaan hy nie veel afwyk van die wedstrydplan wat sy span so gevaarlik maak nie – ‘n aanduiding dat die Kavaliers dalk gereeld sy vleuels op die punte mag opsoek.
“Ons weet waar ons sterk punte lê en wil graag ons wedstrydplan op ons opponente afdwing. Ons het ook ekstra hard geskaaf aan ons vaste fasette, aangesien dit ‘n afdeling is waarin WP baie goed is.”
Davids sê sy span sal ook ‘n punt wil bewys op die verdediging en hopelik die Westelike Provinsie op dié manier hokslaan.
“As ons goeie omkeerbesit kan bewerkstellig deur middel van sterk verdediging, kan Boland ook steun op sy individuele briljantheid om iets uit niks uit te skep. Nuwe aanwinste soos Cheslyn Roberts (vleuel), Albert Trytsman (senter), Lucky Kebe (skrumskakel) en Ben Venter (slot) het almal hand opgesteek tydens ons opwarmingswedstryde en hulle is juis die tipe spelers wat die nodige ‘x-faktor’ kan verskaf”.
Davids is opgewonde oor die speelveld en glo daar sal ‘n goeie atmosfeer te Ceres wees Saterdag.
“Hopelik sal die mense in groot-getalle opdaag Saterdag, want een ding is verseker van Ceres se mense en dit is dat hulle kán ondersteun.”
WEDSTRYD: REGENT BOLAND KAVALIERS
OPPONENT: WESTELIKE PROVINSIE
KOMPETISIE: VODACOMBEKER
TYD: 9 FEBRUARIE 2013
VENUE: VICTORIA PARK, CERES
REGENT BOLAND KAVALIERS:
1. Ashton Constant (kaptein)
2. Chris Buckle
3. Francois Hanekom
4. Ben Venter
5. Noland Clark
6. Franzel September
7. PJ van Zyl
8. Zandre Jordaan
9. Lucky Kebe
10. Ricardo Croy
11. Brendon April
12. Albert Trytsman
13. Johnathan Francke
14. Cheslyn Roberts
15. Jacquin Jansen
16. Marco Janse van Rensburg
17. Rossouw Kruger
18. Johannes Kitshoff
19. Junior Bester
20. Bradley Fortuin
21. Garth April
22. Tythan Adams
Related Posts
« Southern Kings Team announcement against The Sharks Stirling High School 1st XV Rugby Fixtures 2013 »
